Hálsbólga.is.....

HÆ alle sammen.... Síðan síðast hefur heilmargt gerst! Niðustöðurnar skiluðu sér loksins, lifrin bólgnari en ekkert kom útúr hálsastrokunum.. Ég fékk þessa ógeðslega slæmu hálsbólgu og var alltaf að drepast á nóttunni... Fékk mér stundum batnidrykk til að lina hálsinn! Eina nóttina (19.okt) þá fór ég fram úr til að sjóða mér vatn og gera mér batnidrykk, geri það og sest uppí rúm og ætla að fara að sötra á batnimeðalinu.. NEMA HVAÐ! Ég missti sjóðheita drykkinn beint yfir lærin á mér og rak upp skaðræðisöskur þar sem þetta var það versta í heiminum (gleymdi meira að segja að mér væri illt í hálsinum, öskraði bara af lífsins sálarkröftum) Arna og Davið vöknuðu við mig og Arna hélt að maðurinn á hæðinni fyrir ofan hefði verið að berja konuna sína en það var bara klaufinn ég að brenna mig! Við tók kæling dauðans og Arna hjúkkan mín vaknaði með mér (þetta gerðist kl 3:33) og skipti um kalda bakstra langt fram undir morgun! Hún bjargað mér ALVEG! Gott að eiga Örnu :) Svo fékk bar ég e-ð aloe vera gel forte ás brunasárin sem virkaði mjög vel..... Svo kom dagurinn.. Sem leið í þjáningu yfir að geta varla kyngt.. Læknirinn sem hefur annast mig vildi senda mig til háls-nef og eyrnasérfræðings því að ég talaði eins og ég væri með kartöflu í munninum! Ég fór til hans og vonaði að hann myndi gera kraftaverk og að mér myndi líða miklu betur eftir heimsókn til hans.. En nei.. Bara mjög slæm hálsbólga, ekkert hægt að gera og þessi veiki getur tekið altt uppí 6 vikur!! OG ég var 3000 kr fátækari! Vá mér leið betur.. Eða e-ð.. Mamma og pabbi vildu ólm fá mig suður enda var mig farið að vanta pabba og mömmu, maður verður svo lítill í sér þegar maður er svona lasinn! líka kominn tími á að gefa Örnunni minni frí sem hefur gert ALLT fyrir mig og meira til! Ég átti flug um 8 á þriðjudaginn og var komin suður um hálf tíu.. Kom þota að sækja mig og allt... Maður á nú pabba sem er að verða lögfræðingur! Mikið var gott að komast suður og ég alveg táraðist þegar ég var að labba útúr flugvélinni því ég vissi að þau væru að bíða eftir veiku Eyglóinni sinni :) (Væmni væmn) Er búin að vera hér 3 daga og síðasta nótt var fyrsta nóttin sem ég svaf næstum alla nóttina og þurfti ekkert að vekja mömmu vegna verkja.. eða til að fá knús.. Ég á sko bestu mömmu í heiminum! Ég er búin að lifa á frostpinnum og ís með mjólk útá.. Gott að fá e-ð ískalt í hálsinn! Svo í morgun þegar mér leið betur í hálsinum ætlaði ég að fá mér "alvöru" mat... Kíkti í ísskápinn og endaði á að fá mér ostasneiðar og drakk fjörmjólk með... Mmmm.is! Ég held núna í alvöru að mér sé að batna en ég lofa engu... Vona bara það besta.. Það hjálpar alltaf til að vera hjá pabba og mömmu og það gleður mig líka óendanlega mikið að fá sms.... Smá hint 2 everyone! Kiddi á hrós skilið fyrir sms dugnað! Kiddi þú ert frábær :) Hafið það öll sem best og kyngið öll 10x fyrir mig og njótið þess.... Hehe :9 Ykkar einasta Eygló

Ógeð.is!!!!

Jæja núna er ég orðin mjög þreytt á þessari veiki! Ég fékk hálsbólgu fyrir nokkrum dögum einmitt þegar ég hélt að mér væri aðeins farið að batna.. Vaknaði í nótt klukkan 3, að deyja gjörsamlega úr verkjum! Ógeðslega sárt að kyngja og svo var eins og eyrað á mér væri að springa.. Ég var andvaka til að verða 8 en þá fór ég í blóðprufu, læknirinn kom og skoðaði mig og tók stroku úr hálsinum mínum, og kíkti í eyrun, það er einhver vökvi í hægra eyra en það á víst að hverfa þegar mér batnar.. Svo ætlaði ég að fara í apótekið en það var lokað.. Vantar parkódín.. Það hefur samt hjálpað að fá batnidrykkinn hans pabba.. Það er SJÓÐheitt vatn með hunangi útí og hálsbrjóstsykri.. Það slær aðeins á en mætti slá lengur á.. Ef þið fattið.. Var að sms-a stelpunni sem vinnur með mér á morgnanna. Hún er snillingur :) Hún er búin að vera að vinna líka e-ð eftir hádegið útaf veikindunum mínum.. Alger hetja.. Hún hefur svo miklar áhyggjur af því að ég komi of snemma í vinnu og slái niður.. Sem ég verð að passa mig að gera ekki! Önnur stelpa sem er að vinna með mér var í botnlangauppskurði þannig að það er allt í klessu niðrí vinnu og yfirmaður minn lætur eins og ég sé að fara að mæta á morgun! Skrýtið.is.... Jæja núna er ég aðallega að bíða eftir niðurstöðunum úr blóðprufunni og hálsastrokunni! Svo fer ég kannski suður á morgun.. Alltaf gott að vera hjá pabba og mömmu þegar maður er lasinn og gefa Örnunni minni frí! Sem er, by the way, búin að vera svoooooo dugleg að dekra við mig á allan hátt.. Elda handa mér hafragraut, gera batnidrykkinn og koma með kaldan þvottapoka og setja á ennið mitt.. Ég elska þig Arnan mín :) Jæja eigið öll góðan dag og skemmtið ykkur svolítið fyrir mig og njótið þess að mega fara út ;) Ykkar lasarusína Eygló

PIZZA :) :)

MMM bara segja ykkur að ég pantaði mér pizzu... 12" frá Domino's! Geðveikt góð.. Fékk mér með pepperóní, sveppum OG aukaosti... Slúrp.is :) Svo á ég nóg eftir til að borða á morgun.. Þetta er samt rán... Ég borgaði 1625 kr fyrir eina pizzu! Engar brauðstangir eða neitt... Gat nátla ekki sótt því ég er föst heima.. En ég tímdi þessu alveg. Búin að lifa á kellog's kornflögum í viku... Hafið það gott.. Ykkar Eygló ríka :)

Mér DREPLEIÐIST!!

Hvað á maður að gera þegar manni leiðist? Maður er einn heima hundlasinn og ekkert í sjónvarpinu og ekkert bókstaflega hægt að gera? Ég var geðveikt bjartsýn í gær að mér væri nú aðeins að batna og var bara mjög ánægð með það.. Nei nei vaknaði með hrúgu hálsbólgu og það er eins og ég sé með kartöflu í hálsinum þegar ég tala.. Ég er orðin "nett" pirruð á að vera lasin, finnst þetta sko komið nóg! Það er ekkert leiðinlegra en að hanga inni allan liðlangan daginn og allt svo eins! Hef núna ekkert farið út í heila viku! Bara þrisvar á 2 vikum! Ég bara bíð spennt eftir að batna.. Ég fer í blóðprufu á mánudaginn til að tékka á lifrinni og miltanu, hvort það sé að minnka bólgan.. Arna og Davíð fóru í sveitina og ég er að pæla hvort ég eigi að panta mér pizzu í kvöldmatinn, en það er eiginlega sóun því ég mun örugglega borða lítið, hef ekki mikla matarlyst, er búin að borða eina skál af kellogs í dag og ís. Hef meira að segja drukkið ótrúlega lítið pepsi max undanfarið og þá hlýtur Glói að vera veikur! jæja ég ætla að fara að gera e-ð... Kannski finn ég einhverja bók til að lesa eða fer að pússla.. Eigið öll ánægjulegan dag og helgi.. Ykkar uppáhalds Eygló

Well well....

Jæja þá.. Við erum búin að vera tölvulaus í alltof langan tíma, ég er reyndar ennþá lasin og búin að vera það í næstum 2 vikur! Ég er með einkirningasótt sem lýsir sér í háum hita, bólgnum eitlum, bólginni lifur og milta og allskonar hellings aukabónus... Ég er til dæmis búin að fá mér (eða það kom bara sko...) sílíkon í augnlokin.. hahahahaha.. það er ótrúlegt hvað þau eru bólgin og asnaleg, ég er líklegast með einhvern augnvírus en það er bara sandkorn í hrúguna.Ég hef alveg ekkert að segja nema þessar 2 vikur hafa verið þær verstu í lífi mínu, mér hefur aldrei liðið svna illa! Enda er ég hætt við að fara till Afríku, hver veit hvaða sjúkdóma maður getur fengið þar? Og þá er engin Arna til að dekra við mann og hvað þá mamma eða pabbi! Allavega eins og staðan er núna þá langar mig bara að batna og fara að komast í vinnuna! Hlakka meira en ALLT til að komast í vinnuna, ég verð samt að passa að ofreyna mig ekki þar því að ég geri ekki annað allan daginn en að lyfta kössum og ég má víst ekki reyna of mikið á mig.. Jæja hef ekkert meira að segja.. Knús til ykkar allra. Ykkar Eygló sem er þreytt á að vera lasin..

Lasin :(

HÆ... Mín er lasin og það er sko ekki skemmtilegt! Er með 38.8 stiga hita og höfuðverk, svima og fullt.. Ekki gaman, ætlaði þvílíkt að fara í vinnuna í gær og var að fara að slétta á mér hárið þegar ég mundi að mamma hafði sagt mér að mæla mig þar sem ég var búin að vera hálfslöpp, og mín var bara með hita, ekki kannski skrýtið að mér væri búið að vera svona kalt. Þannig að ég ákvað að fara ekki í vinnuna þó svo að mig hafi langað, hefði ekki getað gert neitt og það hefði endað á að ég hefði þurft að fara heim.. Fór svo að sofa með ósléttað og ÓGEÐSLEGA krullað hár.. Kafnaði næstum úr hita í nótt, fór fram úr um 8, hringdi í Einar yfirmann minn og tilkynnti honum að ég væri veik, hringdi svo í heilsuvernd til að fá daginn borgaðan, þetta er 4. dagurinn sem ég er lasin síðan ég byrjaði í Hagkaup en ég er búin að vinna þar í 13 mánuði. Fékk mér eina pizzusneið (viðArna pöntunðum okkur Domino´s pizzu í gær) fór svo og lagði mig kl hálf 10, var að frjósa og sótti mér aðra sæng og hlýnaði aðeins, Arna kom til mín um 2 með aðra pizzusneið og Pepsi max í glasi (en ekki hverju? döh) Fór svo fljótlega fram, orðin dauðleið á að liggja uppí rúmi! Arna ótrúlega góð að dekra við mig :) Arna þú ert ÆÐI ;) Er núna að bíða eftir að Arna komi heim úr Bónus, hún ætlaði að kaupa swiss miss til að mér fari að hlýna... Vona ég geti farið í vinnu á morgun en efast reyndar um það.. Hafið það gott krúttin mín... Ykkar lasarusarína!

Baugasel !!! :)

Hæ allir! Jæja þá er maður komin heim úr Baugaseli... Ætla að segja ykkur frá ferðinni: Fórum í gær eftir vinnu, ég var mætt klukkan 8 en við lögðum af stað um hálf tíu! Kannski aðeins fyrr.. Við tók ca klst keyrsla á misgóðum vegum. Höhömm... En við komumst alveg á leiðarenda, hefðum komist léttilega á kagganum mínum ;) hehe... Loks var komið að brúnni og ekki hægt að keyra lengra.. Mér var strax orðið kalt, var samt ennþá inní bíl.. Fór í aukapeysuna sem ég tók með mér og fór svo í 66° flíspeysuna mína og úlpu og sjal! Setti á mig bakpokann og sængurtöskuna og tók svo gítarinn í hönd.... þá var lagt af stað... og vá ég varð ánægðari og ánægðari með nýju gönguskóna í hverju skrefi! Ótrúlega góðir, var svolítið drullugur vegur sem löbbuðum eftir, en manni varð fljótt heitt á að labba. Eftir 35 mínútur blasti Baugasel við, ég varð mjög ánægð enda dáin í öxlunum, en ég fékk góða hjálp við að bera gítarinn... Baugasel er gamall uppgerður (að hluta) torfbær.. Innan við gamla hlutann er stórt herbergi eða geymur með 4 rúmum í og þetta er voða kósý... Allir settust á rúmin og byrjað var að spjalla, innan um kuldaskjálftana í mér, en ég sem sagt FRAUS þegar ég var komin og settist niður! Þá var maður hættur að hreyfa sig og engin kynding þarna, kveiktum reyndar á gasofni en maður fann lítið fyrir hitanum frá honum. Svo eftir meira spjall þá ákváðum við að syngja saman, það var kolniðamyrkur þarna en við vorum með 2 kerti! Ég setti svona vasaljós á hausinn á mér (eins og ég væri að vinna í námu) svo spilaði mín svona glimrandi vel.. hehe ;) spilaði 4 lög svo kom Anna Sigga með þessa líka FRÁBÆRU ræðu um að endatímarnir eru komnir og við þurfum að vera vakandi og tilbúin þegar kallið kemur! Þrusu prédikari hún Singer mín! Átum svo nammi og spjölluðum og komum okkur svo fyrir í svefninn, það eru eins og áður sagði 4 rúm en við vorum 12! Hmm ég var hálfslöpp og á enga dýnu þannig að ég fékk að vera í rúmi, var mjög þakklát fyrir það, Anna Sigga er bakveik og var í rúmi, Jóna var aldursforsetinn: rúm og svo önnur stelpa sem kom með okkur, Heiður, hún var ekki með dýnu og fékk því úthlutað síðasta rúminu! Þá tók við hópferð á klóstið því allir höfðu óverdósað á gosi og vatni... ég hins vegar drakk tæplega hálfan hálfan lítra af pepsi max og þurfti því ekki að pissa.. Enda sem betur fer.. Ég var búin að pakka mér svo vel inní dúnsængina mína og mér var farið að hlýna! Ég sofnaði örugglega fljótlega eftir það..Vaknaði svo 7:15, 8:25 og9:10 og kúrði svo bara en var orðin þreytt í bakinu, en merkilegt nokk, MÉR VAR EKKERT KALT UM NÓTTINA!!! Drakk smá húsavíkurjógúrt og fékk mér smá nammi, allir átu e-ð og Friðjón eldaði kjötbollur handa Önnu Siggu sinni, rosa sætt ;) Rúmlega 11 ákváðum við að fara að labba tilbaka! Allir voru meira en til :) Það var GRENJANDI rigning á leiðinni tilbaka og buxurnar mínar urðu SVO blautar, það var eins og ég hefði farið í þær beint úr þvottavélinni og þær hefðu ekki verið undnar fyrst! En það var langþráð sjón þegar við komum auga á bílana... Keyrðum á þessum lélega vegi sem var orðinn eitt drullusvað... Þurftum 2x að fara út að ýta bílnum, konur eru massar ;) Ég var að frjósa á leiðinni heim í bílnum, fötin mín RENNBLAUT og hárið líka, brrrr x 1800! Loksins komum við niðrí kirkju og ég fór í kaggann minn og skutlaði Heiði heim! Kom svo sjálf heim rétt rúmlega 1! Skalf bókstaflega.. Fór í önnur föt, fékk mér hálfa grillaða samloku og sofnaði svo í 3 klst! Og núna er mér loksins hætt að vera kalt! Well held ég sé ekki að gleyma neinu.. Massa skemmtileg ferð og svona býr maður til minningar! Eigið öll æðislegan dag og frábæra vinnuviku.. mín verður örugglega mössuð :) Bið að heilsa í bili... Eygló útilegu-isti og kuldaskræfa... hehe ;)

FLUTT !!! ;)

Í gær kláraði ég að flytja rúmið og skattholið og allt stóra dótið, fékk góða hjálp.. Mummi tengdó Örnu og Jóhann bróðir Davíðs komu með pallbíl úr sveitinni og fluttu draslið mitt.. Anna Sigga og Friðjón voru líka dugleg að hjálpa mér.. Við Anna Sigga rifjuðum upp smá minningar síðan við vorum að leigja saman... BÖNS skemmtilegur tími :) En nú er ég flutt til Örnu og fíla það massa vel, þarf ekki lengur að keyra lengst útí sveit til að fara heim að sofa heldur bara rétt að labba inní herbergi og leggjast útaf.. Snilld.is! Það er samt ótrúlega fyndið að sjá herbergið mitt.. kassar upp einn vegginn og rúm í restinni af herberginu.. En þetta komst samt allt fyrir, nema þvottavélin, Doris tengdó hennar Örnu ætlar að geyma hana fyrir mig í sveitinni, ótrúlega góð við mig :) núna er Arna á leiðinni til mín (hehe tala ennþá eins og ég búi í Skógarhlíðinni) að þrífa íbúðina fyrir mig og skila lyklinum, hún vill endilega gera þetta fyrir mig, ég er bara fegin! Ég ætla að þrífa sameignina fyrir hana í staðinn! En síðan Davíð fór þá hef ég skutlað og sótt Daníu Rut á leikskólann.. Það er ekkert smá gaman... Svo þegar maður kemur að sækja hana þá verður hún svo ánægð að sjá mann að maður bráðnar alveg.. Þær eru svo miklir gleðigjafar, hún og Sara Ísold :) Annars gengur allt sinn vanagang, fæ útborgað á morgun 115.076 kr, sem er ágætt. Sérstaklega þar sem ég þarf bara að borga 15þús í leigu en ekki 35þús:) En jæja, þetta er nú ekkert ægilega skemmtilegur pistill hjá mér, þarf að fara að finna lög og æfa mig fyrir Baugasel. Ætla nebbla að brillera þar með gítarspili :) Good luck 2 me! Það verður samt MASSA gaman þar.. Ótrúlega margir sem ætla að koma, finnst samt leiðinlegt að skilja Örnu eina eftir en þetta er bara laugardagskvöldið og komum heim á sunnudeginum... Veit ekki alveg kl hvað. En hafið það bara ótrúlega gott! Ég hef það betra en gott :) Var ótrúlega gama í vinnunni í dag eins og venjulega og það er ótrúlegt hvað tíminn líður hratt..... Verð fertug áður en ég veit af... Húff! God bless U all... ykkar uppáhalds Eygló

Hæ hó... .is.. HEHE ;)

Hæ allir sem lesa bloggið mitt ;) Ótrúlega lítið sem gerðist í dag, var að vinna 8-18 og þetta var massa skemmtilegur dagur, var í einhverju ægilegu spassakasti og hló eins og svín að einhveju sem var kannski ekkert svo fyndið, var líka svona í gær en þá sagði ég "voru vökvin eitthvað blómuð um helgina..." Ætlaði auðvitað að segja voru BLÓMIN e-ð vökvuð.... Og ég drapst úr hlátri af minni alkunnu snilld.. Hinum fannst þetta ekki eins fyndið og mér en hlógu samt. Ég borðaði bara fitness í dag í vinnunni, ein skál kl 10, önnur kl 12 og þriðja kl 15! Fjölbreytta fæðan... og auðvitað undanrenna með... jú drakk pepsí max í hádeginu með... Það hlýtur eiginlega að renna pepsi max í æðum mér, neh segi svona... En vitiði gaman...... Ég er að fara í Baugasel á laugardaginn eftir vinnu, ætlum fara unglingarnir, (þau okkar sem fara ekki á Nordica) þetta er lítill "notalegur" skáli, sem er kannski ekki svo notalegur því það er engin kynding þar heldur hitað upp með gasi, (minnir mig) man bara að síðast þegar ég fór þangað þá var mér sagt að við værum að fara í sumarbústað, og ég mætti í peysu og kvartbuxum.. En þá áttum við eftir að villast í blindbyl, það var brjáluð snjókoma og maður labbaði í snjó upp að hnjám... ég hélt í alvöru þá að ég yrði úti! Man líka að ég dó næstum úr kulda um nóttina, mín var samt með dúnsæng og í flónelnáttfötum... En þetta var í febrúar = MJÖG kalt.. Brrrr.. En við ætlum að fara og hafa gaman, ég ætla meira að segja að spila á gítar fyrir nærstadda... SVO mætið öll :) Sleppi bingóinu, vinn hvort eð er aldrei neitt... Hef ekkert meira að segja... Hafið það bara langskemmtilegast og farið öll í langan góðan göngutúr og hlustið á New Song með Natali Grant.. Endalaust flott lag, eða sitjið inni undir sæng með swiss miss í bolla og hlustið á vonda veðrið úti (sem reyndar er ekki) Lov u all.. Ykkar Glóus Indíanos ;)

Asni.is :)

Ég er svooo mikill snillingur að það er æði.. Ég eyddi óvart út blogginu mínu síðan í gær.. Setti "mánudagur" tvisvar inn og ætlaði að eyða öðru þeirra en eyddi hinu út í staðinn.. Zorry folks :)

Mánudagur...

Ég elska mánudaga! Flestir þola ekki mánudaga, því þá er yfirleitt langt í helgina, og allir elska helgar, þar með talið ég, en á mánudögum, fæ ég engar vörur í vinnunni og þetta verður svona dúllerí dagur þar sem ég er bara að þrífa borðið mitt (allt grænmetisborðið) og allt geggjað ísí! Lítið að gera og svona..Ekki misskilja, ég elska líka þegar mikið er að gera, mar verður e-ð svo important þá.. En eins og dagurinn var í dag, engir leiðinlegir yfirmenn að bögga mig... hmm, reyndar er alveg ótrúlega langt síðan ákveðin manneskja skammaði mig fyrir e-ð sem ég á ekki skilið, ég er líka búin að vera x-tra dugleg síðan í talningunni um daginn en þá vann ég í 18 klukkutíma og hef varla stoppað síðan.... Myndi helst vilja vinna 8-20 alla daga og aðra hvora helgi en ég má það bara ekki :( þá bara vinnur maður eins mikið og maður fær og sníkir svo aðeins meiri aukavinnu ;) Mar er snjall.. Hehe! Helsti ókosturinn við að hafa lítið að gera er að tíminn líður svooo hægt en samt var þessi dagur sokkalega fljótur að líða.... Er núna á eftir að fara að klára að flytja, á eftir að flytja skattholið, skrifborðið, skenkinn og rúmið, jú og hrikalega flotta hjólið mitt ;) Hlakka svo til að vera búin að selja bílinn og fara labba útum allan bæ! Dúða mig brjálað upp með flotta sjalið mitt ;) og svo má ekki gleyma tónlistinni sem ég ætla alltaf að hlusta á! Þetta á eftir að verða snilldarvetur, og ég spara og spara... Snilld.is x 1800 :) Íbúð? Afríka? Skóli? Húsgagnasmiður? Alltof margt sem mig langar... Erfitt að ákveða hvað skal gjöra í framtíðinni þegar ég verð búin að safna mér böns af pening! En jæja smá skoðanakönnun... Bingó með vinnunni eða unglingasamkoma á laugardaginn???? Langar bæði.... Eigið masssssa skemmtilegt kvöld! Mitt verður sveipað flutningum og kannski smá TV, Dont know... Until next time.... BYE honeys :) Glóulínus ;)

Komin í bloggara hópinn... ;)

Jæja þá er Eygló farin að blogga, gaman að því, ætla ekki að reyna að vera málefnaleg eins og pabbi þó það væri gaman, kannski meira að segja frá hvað ég er að gera og kannski plönum mínum..... He he það eru sko spennandi tímar framundan, og skemmtilegir ;) Er að flytja um helgina og það er heilmikið puð, sérstaklega þegar ég alein í því öllu saman, og vá draslið sem maður á er endalaust, ég er nú þannig af Guði gerð að ég vil helst engu henda, fór nú samt í gegnum fataskápinn minn þegar ég pakkaði niður og ég var, mér til mikillar undrunar, dugleg að gefa það sem ég nota ekki eða er orðið of stórt... Gott að aðrir geta nýtt hlutina... Hins vegar á ég lítið af húsgögnum, ég á jú rúm, (er það húsgagn? varla..) skatthol, lítinn skenk og skrifborð.. og síðan alveg endalaust magn af búsáhöldum, glösum, afríkumunum, (sem ég safna) antikdóti sem amma hefur verið ótrúlega góð að gefa mér fullt af :) Og allt þetta drasl tekur pláss, er búin að flytja 16 kassa, og ætli helmingurinn sé ekki búinn, er í pínu pásu núna, á bara eftir að flytja drasl úr aukaherberginu og af baðinu, ætla gera það á morgun.. Smá stökk að fara úr 65 fm2 íbúð og í ca 10 fm2 herbergi, og ég sem á þvottavél og allt.. Gæti hæglega fyllt einbýlishús af innanstokksmunum.. ;) og þið sem ekki vitið þá er ég að flytja til systur minnar sem er svo heppin að vera meira að segja tvíburasystir mín... :) Hún og Davíð maðurinn hennar eru svo góð að leyfa mér að leigja af sér aukaherbergið sem þau eiga og ég mun spara 20þús á mánuði bara við það eitt að flytja til þeirra, legg nú þegar inn 20 þús á mánuði í sparnað og get hæglega farið uppí 50-60 þús þegar ég er búin að selja bílinn sem ég ætla að gera.. Ætla nebbla að spara vel í vetur og vera fótgangandi, búin að kaupa mér ógeðslega flotta gönguskó og allt.. Vantar bara hlýja og góða vetrarúlpu og þá er mín tilbúin í slaginn :) Jæja ég ætla að fara að halda áfram að flytja... það er svo mikið stuð, bara setja nógu skemmtilega tónlist á fóninn og þá er ALLTAF gaman :) Hafið það langbest, þess óskar ykkar eina sanna Eygló